Apeli i Anders Behring Breivik kundër shtetit norvegjez është refuzuar, në të cilin vrasësi serial u ankua për “trajtim çnjerëzor” në një tjetër përpjekje për t’i dhënë fund izolimit të tij në burg.
Breivik paditi shtetin norvegjez për shkelje të të drejtave të njeriut, një argument i hedhur poshtë nga një gjykatë e Oslos. Vrasësi i ekstremit të djathtë po vuan një dënim me 21 vjet burg, i cili mund të zgjatet për sa kohë që Breivik konsiderohet se përfaqëson një kërcënim për sigurinë publike.
Që nga viti 2022, Breivik po mbahet në burgun e sigurisë maksimale Ringerike në brigjet e liqenit ku ndodhet ishulli Utoja, ku vrau 69 persona më 22 korrik 2011. Kjo u parapri nga sulmi i tij me bombë në Oslo, i cili vrau tetë persona.
Edhe pse Breivik deklaroi me lot në dëshminë e tij se izolimi është një “makth” dhe se ai mendon për vetëvrasje çdo ditë, kushtet e paraburgimit të përshkruara gjatë gjyqit do t’i kishin zili të burgosurit në mbarë botën.
Drejtori i burgut theksoi se Breivik ka shumë më tepër hapësirë se çdo i burgosur tjetër në IEVP. Në veçanti, ai ka në dispozicion tre dhoma – një zonë ndenjeje, një zonë studimi dhe një zonë ushtrimesh – lart. Në katin e poshtëm ai ka në dispozicion një kuzhinë, një dhomë TV me një tastierë Xbox, një dhomë ngrënie dhe një zonë për vizitë, të cilën e ndan – jo në të njëjtën kohë – me një të burgosur tjetër. /tesheshi.com/
