Grupet hebraike të paqes kanë “pushtuar” stacionin e famshëm të trenit Grand Central në New York dhe kanë bërë thirrje për një armëpushim të menjëhershëm dhe për t’i dhënë fund sulmeve izraelite në Gaza.
Një numër i madh amerikanësh me origjinë hebreje iu përgjigjën tubimit të quajtur “Zëri hebre për Paqe”. Gjatë mitingut në Grand Central, mund të shiheshin pankartat: “Palestina duhet të jetë e lirë”, “Armëpushimi, tani”, “Occupo Grand Central për të kërkuar një armëpushim tani”, “Bëhu me ne në anën e duhur të historisë”.
“Tashmë 7,000 palestinezë kanë vdekur dhe më shumë se një milion janë zhvendosur. Udhëheqësit izraelitë vazhdojnë të përdorin hapur retorikën e gjenocidit,” u tha gjatë tubimit.
Anëtarët e organizatës hebraike kanë brohoritur edhe slogane si “Nuk lejojmë të bëhet gjenocid në emrin tonë” dhe “Armëpushim momental”.
Të paktën 7,326 palestinezë janë vrarë në sulmet izraelite që nga 7 tetori. Rreth 70 për qind janë gra dhe fëmijë palestinezë, sipas shifrave zyrtare.
Rreth 2.3 milionë banorë të Gazës po luftojnë me mungesën e ushqimit, ujit dhe ilaçeve për shkak të bombardimeve masive ajrore izraelite dhe një bllokadë të plotë të enklavës.
Asambleja e Përgjithshme e Kombeve të Bashkuara (OKB) miratoi mbrëmë një rezolutë që bën thirrje për një armëpushim urgjent humanitar. /tesheshi.com/
