Devetë janë kafshë shumë të njohura në vendet arabe dhe shpesh gjejnë freskim në det për shkak të temperaturave të larta.
AA filmoi një tufë devesh që hynë në det në vapën e madhe për t’u freskuar në qytetin e Salalah, Oman.
Siç shihet edhe në video, devetë i kanë shijuar qartazi “larjet” në ujin e ftohtë të detit.
Mbarështimi i deveve në Oman është një nga profesionet që nuk e kanë humbur rëndësinë historike dhe kulturore në atë vend.
Devetë, të cilat janë një nga speciet shtazore më rezistente ndaj klimës së shkretëtirës, janë përdorur në transport dhe aktivitete turistike për më shumë se 5000 vjet, dhe mishi dhe qumështi i tyre konsumohet gjithashtu.
Kjo specie e fortë dhe e lashtë kafshe ndihmon në ekzistencën e njerëzve që jetojnë në këtë rajon.
Suheyl Ahmed Said Katan, një kultivues deveje në provincën Dhofar, tha se devetë janë një pasuri për popullin e Omanit.
“Devetë, të cilat mbanin mbi shpinë të gjithë vendin përpara procesit të zgjerimit dhe modernizimit urban, janë një trashëgimi kulturore që nga kohërat e lashta”, tha Katan.
Ai theksoi se mbarështimi i deveve është i një rëndësie jetike për ekonominë, turizmin dhe kulturën e
vendit.
Devetë konsiderohen si një trashëgimi kulturore në Oman, ku që nga viti 1989 funksionon Drejtoria e qeverisë për Mbarështimin dhe Kujdesin e Deveve.
Sipas Ministrisë së Bujqësisë dhe Peshkimit, aktualisht ka 279,000 deve në Oman, duke përfshirë rreth 9,000 deve që marrin pjesë në garat tradicionale. /tesheshi.com/
