Studiuesi Auron Tare ka sjellë një të dhënë interesante mbi atë që ai e konsideron të parin personalitet amerikan që vizitoi Shqipërinë, atë të kohës osmane, thënë kjo në kuadër të vizitës së Sekretarit Blinken në Tiranë.
“Në Tiranë vjen Sekretari i Shtetit amerikan, Antoni Blinken.
Një vizitë politike e ndikuar nga ngjarjet e rajonit.
Në 1992, në vigjiljen e rënies së komunizmit, në Tiranë erdhi Sekretari i Shtetit James Becker, i cili u prit nga një numër i madh njerëzish të cilët dolën në shesh siëc kishin dalë shpesh edhe gjatë periudhës komuniste.
Megjithatë, historia shqiptare ende nuk di se dikur në vitin e largët 1818, trojet shqiptare dhe kryeqytetin e Jugut te Shqiperisë, Janinën, i vizitoi një djalosh amerikan i cili do të bëhej një politikan i shquar si dhe Sekretar Shteti i Konfederates Amerikane. 
Edward Everett, orator, poet, pastor, senator, ambasador, Sekretar i Shtetit por edhe Presidenti i Universitetit te Harvardit, udhëtoi nga Bostoni në Londër dhe më pas në brigjet shqiptare për të takuar një personalitet të madh, Ali Pashë Tepelenën ,i cili i rezervoi djaloshit amerikan një pritje shumë interesante.
Everett, me gjithë angazhimet e mëtejshme politike mbeti një dashamirës i Pashait shqiptar dhe shkroi një eulogji prekëse me vrasjen e tij por edhe një pamflet kundër librit të njohur të Fransua Pukvilit, konsullit francez në Janinë. Mbrojtja publike e Everett për Ali Pashën është shumë interesante dhe me rëndësi historike për studimet shqiptare. Edward Everett mund të konsiderohet si amerikani i parë që shkeli trojet shqiptare dhe një personalitet me rëndësi historike i cili i kushtoi vëmendje çështjes shqiptare edhe pse nën ombrellen e shtetit otoman”, shkruan Tare. /tesheshi.com/
