Jeff Bezos sapo ka humbur statusin e tij si personi i dytë më i pasur në botë, duke rënë në vendin e tretë, ndërsa manjati indian i biznesit Gautam Adani po ngjitet me shpejtësi në rangun e Indeksit të Miliarderëve të Bloomberg.
Elon Musk është ende njeriu më i pasur në botë me 260 miliardë dollarë, shkruan biznisz.info
Adanit iu deshën më pak se 10 muaj për të arritur vendin e dytë pasi e nisi vitin në vendin e 14-të.
Është hera e parë që një aziatik renditet kaq lart në listën e Bloomberg, e cila ka qenë prej kohësh e dominuar nga sipërmarrësit e teknologjisë perëndimore.
Pasuria e Adanit prej 146.9 miliardë dollarësh është kryesisht e lidhur me asetet e konglomeratit të tij të përhapur Adani Group.
Grupi operon një sërë biznesesh duke përfshirë portet dhe qymyrin të cilat kanë lulëzuar vitet e fundit.
Aksionet në disa prej firmave të Adanit janë rritur me më shumë se 1000 për qind që nga qershori 2020 – duke reflektuar optimizmin e investitorëve për fuqinë e konglomeratit në fusha të tilla si infrastruktura dhe energjia e rinovueshme që kryeministri Narendra Modi i ka prioritizuar për zhvillim.
Aksionet e saj kryesore Adani Enterprises u rritën me më shumë se 115 përqind në 2022.
Pasuria neto e Bezos ra në 145.8 miliardë dollarë, sipas Bloomberg, pasi aksionet e teknologjisë u goditën rëndë nga një shitje më e madhe e aksioneve të premten. Aksionet e Amazon ranë tre për qind në fillim të tregtimit. /tesheshi.com/
