“Në SHBA ekziston një rezervuar racizmi të cilin po e ringjallë kandidati republikan për president Donald Tramp”, është kjo deklarata e ish-presidentit Jimmy Carter dhënë për gazetën Neë York Times.
Duke vlerësuar se zgjedhja e Barack Obamas ka shënuar një hap përpara në luftën kundër racizmit, ish-presidenti demokrat ka thënë se “zgjedhja e tij në krye të Shtëpisë së Bardhë, ka shkaktuar reagim jo të mirë tek disa prej republikanëve, të cilët kanë pasur qëndrim negativ ndaj përzgjedhjes së një njeriu me ngjyrë për president të vendit”.
“SHBA-të janë zgjuar vitet e fundit, ngase është vërtetuar se në vend nuk është zgjidhur në mënyrë të kënaqshme çështja e racizmit”, ka thënë Carter, duke marrë si shembull nivelin e lartë të vrasjve të njerëzve me ngjyrë dhe shkallën e lartë të papunësisë te popullata afro-amerikane. Sipas fjalëve të tij, Trump në këtë situatë ka gjetur “terren të përshtatshëm për të nxjerrë nga rezervuari i fshehur racizmin e rrënjosur në Amerikë”.
“Momentin kur ju veçoni një grup të caktuar njerëzish për statusin e tyre dytësor të shtetësisë, kjo paraqet shkelje të të drejtave themelore të njeriut”, ka theksuar Carter.
“Duke krahasuar emigrantët meksikanë me kriminelë dhe duke bërë thirrje për mbylljen e kufinjve për myslimanët, Trump ka shkelur të drejtat themelore dhe fundamentale të drejtave të njeriut”, ka vlerësuar Carter, fitues i çmimit Nobel për paqe në vitin 2002. /tesheshi.com/
