Phil Broadwell është 27 vjeçe dhe jeton në qendër të Londrës me pak më shumë se 200 euro në muaj. Për shumë të rinj që arratisen nga shteti ynë dhe nga shumë shtete të tjera të botës, në kryeqytetin britanik ofrohen mundësi të pafundme për ta, por shuma që duhet të kenë në llogaritë e tyre për të përballuar jetesën, duhet të jetë mjaft e majme.
Studenti i King’s College ka gjetur mënyrën për të kursyer dhe ajo që ai bën, e bën të ndihet shumë krenar. Nuk jeton në mes të rrugës, e madje shtëpia e tij është mjaft e madhe dhe e rehatshme. Bashkë me të është një familje që e ka mikpritur falë iniciativës së Share and Care, një kompani që ndihmon të rinjtë të sistemohen në familje të ndryshme, në këmbim të ndihmës së tyre për personat në nevojë.
Kryefamiljari në familjen që e ka mirëpritur është i sëmurë me Alzheimer dhe Phil ka marrë përsipër t’i japë gjithë ndihmën e nevojshme, kur bashkëshortja e tij nuk është në shtëpi. I përgatit ushqimin dhe i bën shoqëri, ndërsa e nxjerr të ecë në ajër të pastër herë pas here. Në kontratë parashikohet se duhet të kalojë të pajton 10 orë në javë duke u kujdesur për burrin.
“Nëse do të më duhej të paguaja një shtëpi me qira për një dhomë në këtë zonë, do të më kushtonte të paktën tre fishin, ndërsa këtu kam gjetur një familje të vërtetë. Jam i lirë të jetoj jetën time, të punon, të studioj dhe të argëtohem sa të dua me miqtë e mi. Për mua është kënaqësi që mundem të ndihmoj zotërinë që më ka dhënë këtë mundësi. Bisedojmë dhe kalojmë momente të bukura bashkë. Nuk është aspak nj barrë për mua”,- tregon i riu./tesheshi.com/
