Ambasada e SHBA-së në Tiranë, ka shpërndarë në faqen e saj të rrjeteve sociale një histori ku një emigrant nga Siria i besimit musliman është zgjedhur kryebashkiak në Amerikë.
“Kur Mohamed Khairullah, i lindur në Siri u vendos në qytetin e vogël amerikan Prospect Parktëm, New Jersey, në vitin 1991, ai nuk mendonte se një ditë do të bëhej kryetari i bashkisë. Kur erdhi ishte 11 vjeç. Jeta e Khairullahut në SHBA ishte ikje nga konflikti. Në vitin 1980, gjatë qeverisjes së babait të presidentit Hafez al-Assad, 5-vjeçari Khairullah dhe familja e tij u strehua në Arabinë Saudite. 11 vjet më pas, në kohën e Luftës së Gjirit ata lëvizën për në SHBA”.
Më pas shkrimi vazhdon me rrëfimin e Muhamedit për jetën e shkollës dhe punës në Neë Jersey dhe veprimtarinë politike që e zgjodhi kryetar të bashkisë së qytetit të tij.
“Ai hyri në politikë, duke kaluar nga jeta vullnetare si zjarrfikës. Në faqen e tij të instagramit Muhamed Khairullah ka shkruar: ‘Një kryebashkiak amerikan që rastisi të jetë mysliman’”.
Shpërndarja e këtij lajmi nga ambasada e SHBA-së në Shqipëri, nuk është thjesht një histori amerikane pasi Muhamedi ka tre mandate që është zgjedhur kryetar bashkie.
Por potencimi i këtij lajmi nga selia dplomatike e Uashingtonit në një vend me popullsi në shumicë muslimane siç është Shqipëria, ka natyrisht një kontekst të caktuar.
Realitet politik në Shqipëri sundohet nga kasta, ndërsa besimi i tyre lakohet në pikëpamje të një trashëgimie apo tradite. Për fetarët në kuptimin e mirëfilltë të fjalës, ende është e vështirë mbajtja e posteve të larta drejtuese.
Madje ky realitet zbulon dhe një paradoks tjetër, atë të evidentuar nga deputetja Mesila Doda, e cila në një fjalim të pak ditëve më parë kundër një neni kushtetues që do i hapë rrugë legalizimit të martesave gej, evidentoi fetarë të shumtë në rradhët e deputetëve, që, nëse do u përmbaheshin normave të tyre fetare përkatëse, nuk do e jepnin votën për atë nen që pritet të amendohet, në kuadër të rëformës në drejtësi, por si dhuratë për komunitetin LBGT. /tesheshi.com/
