John Lewis, një ikonë e lëvizjes jo të dhunshme të të drejtave civile në Shtetet e Bashkuara dhe një ish-bashkëpunëtor i Martin Luther King, ka vdekur në moshën 80 vjeç, njoftoi të Premten Dhoma e Përfaqësuesve.
Lewis, i cili përfaqëson demokratët nga shteti i Xhorxhias në Kongres që nga viti 1986, u shua pasi luftoi kancerin e pankreasit, shkruan Reuters.
“John Lewis ishte titan i lëvizjes për të drejtat civile dhe mirësia, besimi dhe guximi i tij kanë riformuar kombin tonë,” tha kryetarja e Dhomës Nancy Pelosi në një deklaratë.
Një luftë e gjatë për të drejtat civile
Një pasues i ikonës së të drejtave civile siç Martin Luther King Jr., Lewis drejtoi një protestë duke kërkuar të drejtën e drekës me kolegët e bardhë, gjithashtu udhëhoqi një tjetër protestë kundër ndarjes “zi e bardhë” në transportin publik, si dhe e pësoi me një thyerje kafk në një demonstrim për të drejtën e votës së afrikano-amerikanëve.
“Në Kongres, John Lewis u respektua nga të dy palët,” tha Pelosi.
Lewis mori pjesë në një numër ngjarjesh në luftën e gjatë të lëvizjes për të drejtat civile dhe ishte folësi më i ri në Uashington në vitin 1963, kur Martin Luther King mbajti fjalimin e tij “Unë kam ëndërr”.
Ai u shfaq për herë të fundit në publik në qershor, kur protestat e drejtësisë racore tronditën Shtetet e Bashkuara dhe u përhapën nëpër botë.
Shumë politikanë paguajnë haraç
“John Lewis ishte një ikonë, duke luftuar çdo pjesë të qenies së tij për të drejtat civile të të gjithë amerikanëve,” shkroi senatorja Kamala Harris, e para afro-amerikane që përfaqësoi Kaliforninë në Senat.
Senatorja amerikane Elizabeth Warren shkroi në Twitter, “John Lewis ishte një hero i vërtetë amerikan dhe busulla morale e kombit tonë”.
Mesazhe respekti erdhën edhe nga republikanët, përfshirë Mitch McConnell, presidentin e Senatit, i cili i cilësoi “një pionieri në luftën për të drejtat civile, i cili nuk ngurroi të rrezikonte jetën e tij në luftën kundër racizmit, për të drejta të barabarta dhe që kombi ynë të respektojë parimet e tij”.
“Lewis, i lindur në 1940 në Alabama, konsiderohet një nga aktivistët më të shquar të të drejtave civile në Shtetet e Bashkuara.”
Barack Obama, presidenti i parë i zi amerikan, i dha Lewis në vitin 2011, Medaljen Presidenciale të Lirisë, medaljen më të lartë civile amerikane. /tesheshi.com/
