Ka dalë një tjetër fragment nga ngjarja e rëndë e kësaj të diele në Tiranë. Benzi G Class, në timonin e së cilit ishte një person problematik, Aris(Ilir)Sulejmani, një trafikant droge, por, siç ka rezultuar edhe i droguar në atë moment.
Pasi përplasi një çift me fëmijën e tyre 3-muajsh duke kaluar vijat e bardha, për shkak se fut me të kuqe në semafor, ai devijoi dhe u përfundoi në trotuar, pranë një peme, ku siç shihet, për pak i ka marrë jetën një personi me biçikletë. Por dhe ky i fundit, ashtu siç çifti me foshnjën, për fat kanë vijuar jetën.
Çështja tashmë është se çfarë do të bëhet me autorin e kësaj ngjarjeje të rëndë, atë dhe ata si ai, plot rrugëve tona, jo thjesht me një garipllëk të pështirë në jetën urbane, përdhosës të ligjit dhe çdo rregulli e normaliteti, por dhe me rrezikshmëri vrastare. Kjo sepse nuk arrijnë të marrin nga ligji atë që meritojnë, duke i shpëtuar ndëshkimeve shembullore. /tesheshi.com/
