Nga Ermir Hoxha
Thënia e trashëguar nga koha e krekosjes komuniste se “tërmeti tundi malet por jo shqiptarin”, natën e kaluar nuk ka patur asnjë lidhje me realitetin dhe jo thjesht se jetojmë në demokraci.
Në qytetet e jugut të Shqipërisë është përjetuar një natë e pazakontë me lëkundje tërmeti që nuk kanë patur të ndalur deri në orët e mëngjesit. Kjo ka bërë që shumë banorë të kalojnë natën përjashta, strukur në automjete, në lokale të hapura kasten, ose mbështjellë me batanije e me ndonjë zjarr bubulak për t’u ngrohur.
Lëkundjet kanë qenë me dhjetra dhe vetëm të dhënat zyrtare do jenë ato që do konfirmojnë numrin e saktë, ardhur nga qendrat sizmilogjike. E para, ajo që ka çelur siparin e një natë plot ankth, u regjistruar rreth orës 23.00 të mbrëmjes, ku u tha se epiqendra ishte në Janinë. Më pas, seria e lëkundjeve ka vijuar parreshtur duke i dhënë natës, sidomos në qytetet e jugut të vendit, një ndjenjë apokaliptike. /tesheshi.com/
