Miliarderi danez Anders Holch Povlsen, pronar i rrjetit ndërkombëtar të veshjeve Asos, është ndoshta ndër më të goditurit prej shpërthimeve tragjike në Sri Lanka, ku në shenjëstër u vunë disa kisha e hotele luksoze.
Biznesmeni i njohur, i ndodhur në vendin jug-aziatik për Pashkë, ka humbur tre nga katër fëmijët e tij. Kjo u konfirmua nga zëdhënësi i familjes.
“Për fat të keq, ne konfirmojmë lajmin e trishtuar. Ju lutem respektoni intimitetin e familjes. Nuk kemi komente të mëtejshme”, tha zëdhënësi Jesper Stubkier.
Povlsen, pasuria e të cilit arrin në 8 miliard dollarë, është pronari më i madh i tokave në Britaninë e Madhe, të përqëndruara më së shumti në Skoci. Kohët e fundit tha se ka në plan të rindërtojë disa fshatra të malësive të Skocisë.
Një miliarder i cili trashëgoi pasuri nga prindërit e tij, ai ra në dashuri me ato anë kur ishte në një pushim familjar në vitet 1980, dhe kur u rrit filloi të blinte toka.
Të paktën 290 njerëz humbën jetën dhe rreth 500 u plagosën në shpërthimet e të dielës së Pashkëve në Sri Lanka. /tesheshi.com/
