Ashtu si në Kosovë, edhe në Shqipëri situate politike nuk po njeh asnjë përmisim. Së fundi, Partia Demokratike ka paralajmëruar një akt politik që mund ta zhysë jetën parlamentare në një krizë të thellë: dorëzimin e mandateve.
Kjo është paralajmëruar nga kreu i grupit parlamentar të kësaj partie, Edi Paloka.
“Dorëzimi i mandateve të deputetëve është një opsion i hedhur edhe në mbledhjet e tjera të grupit parlamentar, siç pati propozime edhe më radikale.Sigurisht, përballë një klike të tillë, me një regjim të zhytur në krim e korrupsion, me një kryeministër injorant, arrogant e provokator, të gjitha opsionet për përmbysjen e tij janë të pranueshme dhe, në këtë rast, dorëzimi i mandateve të deputetëve është vetëm fillimi”, është shprehur ai për Gazeta Shqiptare.
Trazimi më i fundit jetës parlamentare ishte për shkak të rikthimit në Kuvend të deputetit Armando Prenga, i cili muaj më parë u përfshi në një konflikt me armë në zonën e tij elektorale. Grupi Parlamentar i PS-së e përjashtoi atë të nga radhët e veta, por kjo nuk mjaftoi për demokratët.
Qartësisht, opozita në Shqipëri ka nisur të huazojë forma reaguese të asaj në Kosovë. Gjuajtja me vezë në parlament ishte akti i parë. /tesheshi.com/
