Kim Jong Un, diktatori koreanoverior, që me provat me raketat me mbushje bërthamore, ka tronditur Botën, ka jetuar rreth 11 vjet në Liebefeld-Köniz dhe në Muri të Zvicrës.
Gazeta zvicerane “Blick” shkruan se ai vizitonte shkollat publike, luante basketboll, këndonte hitin e Polo Hofers “Alperose” dhe fliste mirë gjermanishten.
Kim Jong Un është diktatori i gjeneratës së tretë të familjes së tij: Kim Il Sung (1912–1994) dhe babait Kim Jong Il (1941–2011).
Në Bernë ai kishte jetuar nga 1991 deri në 2002, ndërsa motra e tij më e vogël, Yo Jong, jetoi në këtë qytet deri në 2007, ka jetuar deri në 2007 në Bernë. 29 vjeçarja kishte ndryshuar emrin në Kim Yong Sun, për të mos rënë në sy dhe ndoqi shkollën “International School”, ku shoqërohej vazhdimisht nga dy vëllezërit.
Sot motra e tij Yo Jong ka pozicione të rëndësishme qeveritare në Korenë e Veriut dhe është përgjegjëse për daljet e tij publike.
Vëllai Jong, Chol jetonte si perëndimorët dhe ishte fans i madh i muzikantit Eric Clapton, madje ndiqte çdo koncert të tij.
Për shkak se Jong Chol dhe Jong Un shiheshin shumë rrallë në publik, shpesh ngatërroheshin në sytë e banorëve vendas. Për këtë është e vështirë të gjenden kujtimet te fqinjët ose kolegët e tyre në Bernë dhe rrethinë.
“Kisha respekt për Jong Un dhe mezi mund ta besoj që nga një i ri i ndritur të dalë një monstër”, thekson Patricia M, që e shikonte “çdo të premte” të riun Kim në klubin Tonis, shkruan gazeta zvicerane.
Së bashku me vëllain, Kim Jon Un, ka ndjekur për një kohë shkollën në Gjenevë, siç ka thënë ish-roja i babait të tij të vdekur, për gazetën zvicerane “Tages-Anzeiger”.
Nga momenti i kthimit në Korenë e Veriut, Kim Jong Un, asnjëherë nuk ka kryer vizitë zyrtare jashtë shtetit.
Përshtati Gjergji Koja – /tesheshi.com/
