Kisha koptike e Egjiptit ka refuzuar një takim të kërkuar nga Zv.Presidenti amerikan Mike Pence gjatë vizitës së tij në rajon më vonë këtë muaj, në shenjë proteste kundër vendimit të Uashingtonit për të njohur Jerusalemin si kryeqytetin e Izraelit, njoftoi të shtunën agjencia shtetërore e lajmeve MENA.
Kisha “arsyetoi refuzimin e takimit me Mike Pence” gjatë vizitës së tij në Egjipt, duke cituar vendimin e presidentit Trump. Kisha më tej tha se vendimi i Trump erdhi në “në një kohë të papërshtatshme”, dhe tha se vendimi u mor “pa marrë në konsideratë ndjenjat e miliona njerëzve”, tha MENA.
“Lutemi që secili të tregojë mençuri dhe racionalitet në trajtimin e çështjeve që ndikojnë në paqen e popujve të Lindjes së Mesme”, shtoi kisha në një deklaratë.
Të premten, sheiku Ahmed al-Tayyeb, kreu i el-Azhar, organi më i lartë islam i Egjiptit, njoftoi se po anullonte një takim me Pence në një shenjë të ngjashme proteste. /tesheshi.com/
