Ish-njeriu kuqezi që deklaroi largimin nga politika pas një mpleksjeje nën çadër me Bashën e Berishën, Kreshnik Spahiu, ka dalë kundër tyre sa i përket qëndrimit që po mbajnë ndaj votës shqiptare në OKBpër Jerusalemin. Nga Brukseli ku ndodhet prej muajsh, në një tip azili, ai përpiqet që të ndajë të qënit anti-Rama me aktin e tij pro-Palestinës. Dhe këtë e bën duke kritikuar PD-në.
“E papranueshme logjika e çdo demokrati dhe për më tepër e ish-kryeministrit Shqipërisë z. Sali Berisha që në bllok opozitar po mbrojnë tezën e Jeruzalemit hebre si precedent mbi pavarsinë e Kosovës. Urrejtja ndaj Edi Ramës se ky i fundit nuk i qëndroi besnik marrveshjes së 18 Majit të arritur mes palësh u ka errësuar sytë dhe duan jo vetëm ta gjejnë në faj por edhe t’ja kundërvenë SHBA-ve. Ka tre ditë që rrjetet sociale janë pushtuar nga debati për votën shqiptare në OKB”, shkruan Spahiu i cili kujton Berishën që nëse do të protestojë, ta bëjë për varrezat greke.
“Ndërsa opozita hesht për varrezat greke në zemër të Shqipërisë që synojnë të shndërojnë jugun e Shqiperisë në “Jeruzalem helen” duke përçmuar jo vetëm historinë por të gjithë ata që ushtarët grekë i vranë nga Çamëria deri në Qafë Botë. Masakra ndaj çamëve nuk ka as më të voglin ndryshim nga gjenocidi hebre ndaj muslimanëve. Por sot çuditërisht PD dhe liderët e saj i ka zënë dashuria për Izraelin duke e kamufluar thelbin me argumentin qesharak se SHBA-të paskan çliruar Kosovën, thekson ish-kryetari i Aleancës Kuqezi, karriera politike e të cilit ishte e pazakontë: nisi e vijoi e furtunshme, deri në vetëasgjesim total. /tesheshi.com/
