Është rihapur sërish polemika për votën shqiptare në OKB për Jerusalemin, pas fjalës së Presidentit Donald Trump para Kongresit.
Trump foli edhe për ndërprerjen e ndihmave për vendet që nuk votuan pro verdiktit tw tij ku qyteti historik kalon si kryeqytet i Izraelit, gjw qw shkaktoi njw reaksion tw fuqishwm ndwrkombwtar, pwrfshirw dhe zwrat mw potentw tw politikwbwrjes botwrore.
“Muajin e kaluar, ndërmora një hap të miratuar njëzëri nga Senati vetëm pak muaj më parë: Njoha Jerusalemin si kryeqytetin e Izraelit. Pak më vonë, dhjetëra vende votuan në Asamblenë e Përgjithshme të Kombeve të Bashkuara kundër të drejtës sovrane të Amerikës për ta bërë këtë njohje.
Taksapaguesit amerikanë u dërgojnë me bujari këtyre vendeve miliarda dollarë ndihma çdo vit. Kjo është arsyeja përse sonte po i kërkoj Kongresit të miratojë një ligj që dollarët amerikanë për ndihmat e huaja t’u shërbejnë gjithmonë interesave amerikane dhe t’u shkojnë vetëm miqve të Amerikës. Ndërsa forcojmë miqësitë në mbarë botën, ne gjithashtu po rikthejmë qartësinë se cilët janë kundërshtarët tanë”, tha Presidenti i SHBA-së.
Fjalimi i tij përpara dy dhomave të Kongresit, zgjati 1 orë e 20 minuta dhe u transmetua drejtpërdrejt. Trump theksoi se gjendjen e mirë ekonomike të SHBA dhe bëri thirrje për përpjekje lidhur me emigracionin.
Para pak kohësh, Uashingtoni mori vendimin e parë pas votës ku ndërpreu ndihmën financiare direkte për kampet palestineze të refugjatëve në Jordani, Egjipt, Liban, por edhe brenda territorit palestinez. Një ndihmë që shkonte në miliarda dollarë dhe përdorej për të dhënë asistencë ekonomike për familjet që jetojnë në kampe, për strehimin, trajtimin mjekësor, ushqimin etj.
Po cili do të jetë reperkursioni për Shqipërinë?
SHBA ka akorduar shuma të rëndësishme për projekte siç janë ato të USAID-it, por edhe reforma në drejtësi, ku Departamenti i Shtetit paguan oficerët e FBI-së, gjykatësit dhe prokurorët që kanë ardhur në Shqipëri për vettingun, ngritjen e BKH-së dhe SPAK-ut.
Deri tani nuk ka pasur një qëndrim nga Departamenti i Shtetit për ngadalësim apo ndërprerje të këtyre programeve.
Ndërkaq, në aspektin financiar, donatorët më të mëdhenj të Shqipërisë janë Bashkimi Europian, Gjermania, Italia, Zvicra dhe disa vende të tjera europiane.
SHBA si mbështetës i Shqipërisë, ndihmën kryesore e ka kanalizuar në politikën e mbrojtjes në kuadër të NATO-s dhe sigurinë rajonale.
Vetëm në dy vitet e fundit Shqipëria ka marrë një ndihmë logjistike nga SHBA që janë mjete të blinduara ushtarake për ushtrinë, të prodhimit e fundit.
Gjysma e kësaj pjese është lëvruar dhe këtë vit pritet të vazhdojë ky program që është i planifikuar në drejtim të NATO-s.
SHBA financon ndërkaq edhe mbrojtjen lokative të vendit me sisteme mbikqyrje radarësh dhe interceptimi, ku një pjesë e madhe e fondit paguhet nga qeveria shqiptare.
Kompania që zbaton këtë projekt është e famshmja Lokheed Martin.
Ndërkaq, që prej vitit 1990, SHBA ka kujdestaruar Bashkimin Europian si financuese e zhvillimit ekonomik në vend.
Madje një nga përpjekjet e anonçuara nga qeveria e SHBA-së, ka qenë avokatia e Uashingtonit zyrtar që Shqipëria të pranohet në BE. Edhe relacionet me Greqinë janë lehtësuar nga ndërmjetësimi energjik i SHBA-së.
Tjetër aspekt i ndihmës amerikane janë ndihmat që FMN-ja dhe Banka Botërore japin për Shqipërinë.
Në këto dy organizata, SHBA është donatorja më e madhe dhe influence e saj është shumë e fuqishme.
Por vendimet në FMN dhe BB merren nga bordi i drejtorëve, ku Uashingtoni ka një influencë shumë të madhe.
Deri tani nuk ka një qëndrim të SHBA-së nëse do të ndikojë në këto mekanizma ndërkombëtarë. /tesheshi.com/
