Dhjetra kolonë hebrenj janë futur të mërkurën në mënyrë të dhunshme në kompleksin e xhamisë së Al-Aksa në Jeruzalemin lindor, ku u përpoqën të kryejnë ritualet talmudike, tha një zyrtar palestinez.
“Një numër prej 176 kolonësh, të mbështetur nga forcat speciale izraelite, sulmuan kompleksin e xhamisë Al-Aksa që nga mëngjesi i sotëm”, ka thënë drejtori i xhamisë Al-Aqsa Sheikh Omar al-Qiswani për agjencinë Anadolu.
“Kolonët hebrenj u përpoqën të kryejnë ritualet talmudike në afërsi të xhamisë Al-Qibali dhe Kupolës Dome of the Rock, por u penguan nga adhuruesit muslimanë dhe rojet e xhamisë”, tha ai.
Al-Qiswani shtoi se policia izraelite arrestoi një nga rojat e xhamisë, i cili më pastaj e dërgua në qendrën e paraburgimit në qytetin e vjetër.
Për myslimanët, Al-Aksa përfaqëson vendin e tretë të shenjtë në botë. Hebrenjtë, nga ana e tyre, i referohen zonës si “Temple Mount”, duke pretenduar se ishte vendi i dy tempujve hebreje në kohët e lashta.
Izraeli pushtoi Jeruzalemin lindor gjatë Luftës së vitit 1967 në Lindjen e Mesme. Ai më vonë aneksoi qytetin në vitin 1980, duke pretenduar atë si kryeqytet të shtetit hebre, veprim ky që nuk është njohur ndonjëherë nga komuniteti ndërkombëtar. /tesheshi.com/
