Antonio Guterres ka aritur më shumë në arenën botërore sesa Hose Murinjo.
Ka qenë kryeministër i Portugalisë, kryetar i UNCHR-së, shef i socialistëve europianë etj. Por që prej daljes në skenë të “të veçantit”, ish-kryeministri portugez po cilësohet si”Murinjo” i Politikës.
Guterres e ka mundur sërish në votimin e katërt ish-ministrin e Jashtëm serb Vuk Jeremiq, i cili është renditur sërish i treti dhe ka marrë sërish vlerësime negative.
Dhe këtë e thonë dhe mediat serbe.
Në votimin e katërt Antonio Guterres që është kandiati i nbështetur nga Obama dhe Merkel ka marrë 12 vota pozitive, ministri i Jashtëm i Sllovakisë, Mirosllav Laiçak ka marrë 10 vota pozitiv, ndërsa Vuk Jeremiq ka marrë 9 pozitive dhe katër negative.
Ky është një system shumë i rëndësishëm për ardhmërinë e votimit për kreun e OKB-së.
Në vend të kartërt ndodhet ish ministri i Jashtëm i Maqedonisë, Srgjan Kerim, me 8 vota inkurajuese.
Vëzhgues të rëndësishëm në mediat serbe theksojnë se rol në mos avancimin e Jeremiq, ka qenë edhe peticioni i familjarëve të të zhdukurve në Kosovë, që i kanë dërguar të gjithë anëtarëve të OKB-së.
Në peticion theksohej: “Ne, përfaqësuesit e familjeve të personave të zhdukur i kërkojmë anëtarëve të OKB-së që të mos zgjedhin Vuk Jeremiqin në krye të kësaj organizate
Jeremiq është i papërshtatshëm për këtë pozicion pasi ai vjen nga një vend që ka kryer genocide gjatë luftës së Kosovës dhe ka refuzuar të hedhë dritë mbi fatin e familjarëve tanë që rezultojnë të zhdukur.
Pikërisht për këtë, zgjedhja e Jeremiçit është një fyerje ndaj familjeve tona, ndaj familjeve të zhdukura dhe familjarëve të viktimave nga pushteti serb”, theksohet në letrën e familjarëve të të zhdukurve dhe të afërmëve të viktimave të dhunës serbe.
Firmosësit e peticionit i prijnë: koordinatori i Këshillit të Shoqatës së Familjeve të Personave të Zhdukur, Bajram Cerkini; Kryetarja e Shoqatës “Nënat Qajnë”, Nusrete Kumnova; kryetari i Shoqatës për Zbulimin e Fatit të të Zhdukurve, Haki Kasumi; si dhe Zv.kryetari i Shoqatës “Zëri i Prindërve”, Hysen Hyseni.
Ata theksojnë se Vuk Jeremiq, i cili në të shkuarën nga vitet 2007-2012 ishte ministër i Jashtëm i Serbisë, nuk ka kërkuar kurrë ndjesë për krimet e kryera në ish-Jugosllavi.
“Vuk Jeremiq, i cili ka lindur dhe është rritur në Serbi, ka mbajtur pozicione të rëndësishme në politikën serbe, vend që është përgjegjës për genocidin gjatë viteve 90 në ish-Jugosllavi. Krimet e kësaj natyre kanë sjellë zhdukjen e 40 mijë personave nga 800 mijë viktimave që kanë pasur konfliktet në ish-Jugosllavi”, theksohet në letër.
Firmosësit e peticionit kanë theksuar më tej se Sekretari i Përgjithshëm i OKB-së duhet të ketë vlera të larta morale dhe profesionale dhe ky person nuk mund të jetë Jeremiq.
Familjarët e të zhdukurve i kërkojnë OKB-së që të rrisë presionin ndaj politikës serbe që të japë gjithë informacionin e nevojshëm mbi personat e zhdukur në Luftën e Kosovës.
/tesheshi.com/
