Negociatorët e Këshillit të Bashkimit Evropian dhe Parlamentit Evropian kanë arritur një marrëveshje për një ligj që parashikon përfundimin e shitjes së automjeteve të reja me motor me djegie të brendshme nga viti 2035.
“Kjo marrëveshje i hap rrugën një industrie automobilistike moderne dhe konkurruese në Bashkimin Evropian. Bota po ndryshon dhe ne duhet të mbetemi lider në inovacion”, tha ministri çek i Industrisë dhe Tregtisë Jozef Sikela.
Presidenca çeke negocioi në emër të 27 shteteve anëtare me përfaqësues të Parlamentit Evropian.
Paketa “55 për qind gati”.
U arrit një marrëveshje për të reduktuar emetimet e dioksidit të karbonit nga makinat e reja me 55 për qind deri në vitin 2030 dhe me 50 për qind për kamionët në krahasim me nivelin e vitit 2021. Më pas, deri në vitin 2035, duhet të arrihen zero emetime si për makinat e reja ashtu edhe për kamionët e rinj.
Kjo marrëveshje është pjesë e paketës “55 për qind gati”, në të cilën BE ka vendosur një objektiv për të reduktuar emetimet neto të gazeve serrë me të paktën 55 për qind deri në vitin 2030. /tesheshi.com/
