Dy ditë pasi diplomati turk, Mevlut Çavusolu, i tha zv.kryeministrit kosovar Behgjet Pacolli se është e papranueshme që në Kosovë të ketë prani gyleniste në sektorë të ndryshëm, ka ardhur edhe arrestimi i parë i një turku vullnetar në Lëvizjen e Gylenit.
Policia njofton se ai është arrestuar në bazë të një urdhërarresti ndërkombëtar të premten në orën 17:30 në Prizren, ndërsa me vendim të prokurorit ai është dërguar në mbajtje.
Ndërkaq portalit Koha.net, shkruan se turku i arrestuar quhet Ugur Toksoy, i cili ka punuar si edukator në Fondacionin Atmosfera, fondacion i cili ushtron aktivitet arsimor në Kosove prej 2004. Ai është ndaluar me akuzën e pjesëmarrjes në tentativën e grushtit të shtetit që ndodhi në korrikun të vitit të kaluar në Turqi. /tesheshi.com/
