Tashmë është zyrtare: Brukseli i ka kërkuar Këshillit të Ministrave të ratifikojë hapjen e negociatave me Shqipërinë për anëtarësim në BE.
Komisioneri Johannes Hahn bëri publik progres-raportin për Shqipërinë, ku ashtu siç ishte paralajmëruar, Komisioni rekomandon hapjen e negociatave të anëtarësimit të Shqipërisë në Bashkimin Europian.
Por hapja e këtyre negociatave kushtëzohet thellbësisht nga reforma në drejtësi dhe zbatimi në terren i saj.
Raporti vlerëson se Shqipëria ka bërë progres të qëndrueshëm në pesë prioritetet e vendosura nga BE. Njihet lufta kundër korrupsionit, por kërkohen më shumë përpjekje në këtë drejtim. Po ashtu lufta kundër drogës duhet të jetë më e thellë. /tesheshi.com/
