Alfred Deshati, Nnënkryetarit të Partisë Republikane të Shqipërisë ka lajmëruar sot dorëheqjen e tij nga funksioni i nënkryetarit, anëtarit të Kryesisë dhe të qenit anëtar i kësaj partie.
Siç shprehet Deshati në një letër dërguar mediave, “kjo parti e shokëve dhe miqve të mirë, është kthyer në një Parti në luftë me veten”.
“Disa herë e kam gjetur veten në situata të vështira dhe jo normale duke mos u pajtuar me mënyrën aktuale të funksionimit, drejtimit dhe vendimmarrjes së kryetarit të partisë. E them me bindje dhe ndershmëri, që kjo parti po drejtohet në mënyrë të shëmtuar ashtu siç nuk e kam parë ndonjëherë, duke anashkaluar dhe mosvlerësuar kontributin ndër vite të republikanëve”, – bën me dije Alfred Deshati.
Parti Republikane është një parti e qendrës së djathtë dhe drejtohet nga Fatmir Mejdiu. /tesheshi.com/
