Ministrja franceze e Mbrojtjes, Sylvie Goulard, ka dhënë dorëheqje nga detyra.
Sipas saj, arsyeja e dorëheqjes lidhet me hetimin paraprak të nisur në gjyqësor ndaj anëtarëve të Lëvizjes Demokratike (MoDem) në Parlamentin Evropian.
Ministrja në deklaratën e saj ka theksuar se nuk dëshiron të marrë pjesë në kabinetin që do të riformohet pas zgjedhjeve.
“Ministria e Mbrojtjes për të cilën në vend shërbejnë gra dhe burra të cilët e rrezikojnë jetën e tyre për detyra të rrezikshme, kërkon një autoritet të lartë përfaqësues. Unë nuk dua që këtë autoritet ta bëjë mjet për diskutime”.
Në zgjedhjet e përgjithshme në Francë, partia e presidentit francez Emmanuel Macron, Marshi Republikan, dhe Lëvizja Demokratike e François Bayrou kishin hyrë së bashku. Në raundin e dytë të zgjedhjeve të mbajtura të dielën e kaluar koalicioni i përbërë nga këto dy lëvizje, kishte fituar një shumicë të rëndësishme në parlament.
Macron, këshillin e ri të ministrave do ta njoftojë të mërkurën.
Prokuroria franceze para zgjedhjeve kishte filluar hetim në lidhje me parregullsitë të bëra në pagat që iu janë dhënë ekipit konsulent të anëtarëve të MoDem në Parlamentin Evropian. /tesheshi.com/
