Ambasadori i Kosovës në Konfederatën Zvicerane, Naim Malaj ka dhënë dorëheqjen. Këtë e ka bërë të ditur agjencia “Presheva Jonë”, në një lajm nga Berna.
Ambsadori Malaj ka shërbyer në ambasadën e Kosovës në Bernë që prej shtatë vitesh. Ende nuk janë dhënë detaje për dorëheqjen e tij, por siç mësohet Malaj nga mediat kosovare dhe ish-ministri i jashtëm kosovar Enver Hoxhaj janë kritikuar disa herë.
Në një letër – notë zyrtare të dërguar Ministrit të Punëve të Jashtme, njëherësh zëvendëskryeministër i Kosovës, Hashim Thaçit, Ambasadori Malaj njofton për vendimin e tij.
“Pas 6 vitesh të kaluara në këtë pozitë të rëndësishme kam vendosur t`i përkushtohem familjes dhe t`i jap një orientim të ri karrierës sime profesionale…”, thuhet në letrën e dorëheqjes.
