Zëvendës Prokurori i Përgjithshëm amerikan, Rod Rosenstein, i cili mbikqyri hetimin special mbi fushatën e Presidentit Donald Trump dhe lidhjet e mundshme me Rusinë, sot ka dhënë dorëheqje.
Z. Rosenstein, i cili kishte një marrëdhënie tejet të ngushtë me Z. Trump, do të largohet zyrtarisht nga detyra 11 maj. Ky largim pritej prej muajsh.
Në letrën e tij të dorëheqjes, ai madje e falënderoi z. Trump për “mirësjelljen dhe humorin” prej presidenti.
Rosenstein – i cili fillimisht ishte emëruar nga ish-presidenti Republikan George W Bush – pritej të jepte dorëheqjen në mars pas emërimit të William Barr si prokuror i përgjithshëm.
Por Rosenstein, si i dyti në komandë, qëndroi në detyrë për një kohë të gjatë për të ndihmuar z. Barr që të administrojë një hetim publik lidhur me hetimet e posaçme të Robert Mueller.
Raporti nuk përcaktoi se fushata e Trump kishte komplotuar me Rusinë për të ndikuar zgjedhjet e vitit 2016, por nuk e liroi plotësisht presidentin nga akuzat për shkelje të drejësisë. /tesheshi.com/
