Një biznesmene dhe nënë franceze, Samira Amarir shpiku një kukull të re për t’i mundësuar vajzës që krahas lojës me të njëkohësisht të mësojë dhe ndonjë kaptinë të Kur’anit.
E quajtur Jenna dhe e dizajnuar për të recituar katër kapituj nga libri i shenjtë, kjo kukull ka hyrë në prodhimin masiv dhe tashmë është në shitje në vendet e Gjirit Persik.
“Kur vajza ime Jena ishte 2 vjeç, po kërkoja një lodër apo një mjet për argëtim për të”, tha Amarir.
“Ideja ishte të krijohet një lodër që do t’i mundësonte asaj të mësonte Kur’anin shpejt dhe lehtë teksa ajo luan me të”.
Jenna, emri i së cilës rrjedh nga një fjalë arabe që përshkon parajsën, vjen veshur me një mantel të gjatë “abaya” dhe një shami të zbukuruar ngjyrë vjollce.
Gjatë projektimit të kukullës duke përdorur softuerin e modelimit online, Amarir vendosi t’i jepte një ton të errët të lëkurës.
Katër kapitujt që Jenna reciton janë të shkurtra dhe të lehta për t’u mësuar përmendësh nga një fëmijë. Dhe ndodhi që disa ditë pasi filloi të luajë me kukullën, vajza e saj filloi të recitojë vargjet kur’anore.
Amarir dhe familja kanë lëvizur nga shtëpia e tyre në Francë për në Emiratet e Bashkuara Arabe, për të tregtuar kukullën në Gjirin e pasur dhe fetarisht konservator.
Pas katër vjetësh me shumë udhëtime drejt fabrikave kineze për të prodhuar kukullën, ajo e promovoi atë këtë vit në Arabinë Saudite, Kuvajt, Bahrein dhe Emiratet e Bashkuara Arabe. /tesheshi.com/
