Burime nga Kongresi i Popullit të Jemenit, konfirmuan se udhëheqësi i tyre dhe ish-presidenti Ali Abdullah Saleh, u vra të hënën gjatë përleshjeve të ashpra me milicët Houthi në kryeqytetin Sanaa.
Një video e postuar në rrjetet sociale tregon Saleh të shtrirë në batanije, i rrethuar nga milicia shiite Houthi që festonin vdekjen e tij. Klipi i shkurtër i transmetuar në një kanal televiziv pro-Houthi duket se tregon se Saleh kishte pësuar një dëmtim kokë, një plagë me armë zjarri.
Më parë gjatë ditës, milicia nga lëvizja e armatosur Houthi të Jemenit hodhi lëndë shpërthyese në shtëpinë e Saleh në qendër të kryeqytetit Sanaa të hënën, njoftojnë banorët.
Natën e kaluar, Saleh njoftoi zyrtarisht shpërbërjen e partneritetit të tij me ish-aleatët e milicisë, Houthi.
“Ora zero është duke ardhur në fushën e betejës në Sanaa … Vendi duhet të shpëtohet nga çmenduria e grupit Houthi”, tha Saleh në deklaratat të hënën në mëngjes.
Ndërkohë, Komiteti Ndërkombëtar i Kryqit të Kuq ka thënë se të paktën 125 janë vrarë dhe 238 janë plagosur gjatë luftimeve në Sanaa gjatë pesë ditëve të fundit. /tesheshi.com/
https://youtu.be/7eVrZXcs2fg
