Dy roje saudite u vranë dhe tre të tjerë u plagosën të shtunën, pasi një person u afrua në portën perëndimore të pallatit mbretëror në Xheda dhe hapi zjarr, tha ministria e Brendshme përmes një deklaratë, të publikuar nga agjensitë e lajmeve vendase.
Zëdhënësi për çështje sigurie në Ministrinë e Brendshme tha se sulmi ndodhi në orën 15:15 sipas kohës lokale, kur një person filloi të qëllojë në drejtim të rojeve nga një veturë e tipit Honda.
Sulmuesi u qëllua menjëherë për vdekje nga pjesëtarët e Gardës Mbretërore.
Të paktën tre oficerë të tjerë u plagosën gjatë sulmit të së shtunës.
Ministria e brendshme e Arabisë Saudite ka identifikuar dy ushtarë të vrarë si pasojë e sulmit.
Sipas zëdhënësit të sigurisë të Ministrisë së Brendshme, agresori është identifikuar si Mansour bin Hasan bin Ali el-Fahid al-Amiri, një shtetas 28 vjeçar saudit. Atij iu gjetën një armë kallashnikov dhe dy shishe molotov . /tesheshi.com/
