Presidenti i Komisionit Europian, Jean Claude Juncker paralajmëroi se shpërbërja e Bashkimit Europian mund të nxisë luftën në vendet e Ballkanit perëndimor.
Duke folur në një intervistë për Financial Times, zyrtari i lartë i Brukselit, i lëshoi një mesazh presidentit Trump që të mos inkurajojë vendet europiane që të kopiojnë nismën “Brexit”.
Madje, siç tha ai, diçka të tillë ia ka kërkuar dhe zëvëndëspresidentit Mike Pence gjatë vizitës së tij në Brukseli muajin e kaluar.
“I thashë që të mos u bëjnë thirrje vendeve të tjera të largohen, sepse nëse Bashkimi Europian shembet do të keni luftë të re në Ballkanin perëndimor”, deklaroi Juncker. /tesheshi.com/
