Presidenti i Komisionit Europian, Zhan Klod Junker thotë se Spanja nuk mund të krahasohet me ish-Jugosllavinë, pasi katalanasve nuk u shkelen të drejtat e njeriut. Duke u kujdesur të mbetet jashtë komenteve për të drejtën e Katalonjës për pavarësi, Junker në një intervistë për radio-televizionin portugez, thotë se “Katalanasit, të cilët i dua dhe kam respekt për kulturën dhe mënyrën e të jetaurit të tyre, nuk janë të shtypur nga Spanja”.
Juncker gjithashtu konsideron se nuk mund të ketë “krahasime midis Katalonjës dhe vendeve të tjera të ish-Jugosllavisë”. Në intervistën me RTP, drejtuesi i zgjedhur nga radhët e Partisë Popullore Evropiane e mban Brukselin jashtë konfliktit katalanas.
Ai kujton se kontinenti ka qenë në paqe që nga viti 1946, duke vënë në dukje se “kurrë nuk ka pasur një periudhë kaq të gjatë paqeje”.
“Evropa nuk ka rol për të luajtur në konfliktin e dukshëm midis Barcelonës dhe Madridit. Spanjollët duhet ta zgjidhin këtë problem. Unë nuk dua që Bashkimi Europian të përbëhet nga 95 vende të ndryshme nesër ose pasnesër. Ne do të humbnim kontrollin”, thotë ai. /tesheshi.com/
