Ministri i Rendit Sandër Lleshaj paralajmëroi futjen në praktikë të “testit të idiotëve” në funksion të sigurisë rrugore, një përvojë nga vendet e zhvilluara.
“Do bëjmë ‘testin e idiotëve’ që quhet në vendet e tjera”, tha Lleshaj në një takim kushtuar sigurisë rrugore, duke e konsideruar 2020-ën si vit sfide në këtë drejtim.
“Do të bëjmë shtim të masave të akteve ligjore për kufizimin e celularit gjatë përdorimit të mjetit e alkoolit po ashtu.
Kur udhëtohet me fëmijë, duhet e njëjta mbrojtje si në BE, me sedilje të posaçme. Sjelljet agresive që bien në sy në rrugë. Presioni ndaj atyre që ecin normalisht. Kjo presion që i shkon tjetrin ngjitur që e detyron tjetrin të largohet ose të eci shpejt, kjo do të rregullohet”, tha kreu i Rendit.
Nga ana tjetër, ai e lidhi sigurinë rrugore dhe me kriminalitetin
Vrasjet mafioze ndodhin me mjete të vjedhura më së shumti. Do ta kufizojmë këtë me targat e reja. Ta kufizojmë hapsirën për të përdorur makinat si armë. Mjetet e blinduara janë në përdorim masiv të krimineleve dhe kjo nuk do të tolerohet”, tha Lleshaj. /tesheshi.com/
