Raketuesi Javelin, të cilin ushtarët ukrainas e mbajnë mbi supe, është bërë simbol i rezistencës së tyre ndaj agresionit rus.
Është një armë antitank, e aftë të depërtojë në armaturën më të sofistikuar.
Vendet perëndimore, të cilat po mbështesin ushtrinë ukrainase pa hyrë në një konflikt të drejtpërdrejtë me Rusinë, po furnizojnw me armë Ukrainën masivisht që kur Moska filloi sulmin e saj më 24 shkurt.
Deri më tani, sipas një zyrtari të lartë amerikan, ukrainasit kanë marrë rreth 17,000 copë armë antitank nga vende të ndryshme perëndimore, duke përfshirë disa mijëra Javelins.
Forcat ukrainase kanë marrë gjithashtu mijëra armë të tjera antitank, duke përfshirë raketën NLAW të Britanisë, AT4 dhe Carl-Gustav të Suedisë, Panzerfaust të Gjermanisë dhe Instalaza C90 të Spanjës.
Si shtiza e legjionarëve romakë
Përveç që u bë një simbol i mbështetjes nga SHBA, aleati më i fortë i Ukrainës në luftën kundër Rusisë, Javelin është gjithashtu një raketahedhës i njohur në botën ushtarake për karakteristikat e teknike.
I pajisur me dy mbushje shpërthyese, ai mund të depërtojë edhe në tanket më të sofistikuara në botë, veçanërisht tanket ruse T-90.
Ngarkesa e parë e Javelin shpërthen në kontakt me tankun dhe më pas aktivizon një ngarkesë të dytë, më të fortë që shpon armaturën.
Me një rreze prej 2500 metrash, mund të përdoret për sulm të drejtpërdrejtë për të shkatërruar një objektiv ose për të rrëzuar një avion që fluturon ulët si një helikopter.
Mund të përdoret edhe për sulm indirekt, pra sulm nga lart, në të cilin raketa ngrihet deri në 160 metra dhe më pas bie vertikalisht mbi objektivin e saj, si shtizat e legjionarëve romakë prej druri.
Si një videolojë
Meqenëse hyrja e tankut ndodhet në majë, e cila është edhe pika e tij më e cenueshme, trajektorja e saj vertikale është ajo që e bën atë një armë kaq të fuqishme kundër tankeve.
Për shkak se është më i lehtë se sistemet e tjera antitank që kanë nevojë për një trekëmbësh, Javelin mund të qëllohet nga supi.
Një ushtar amerikan i tha AFP se Javelin është shumë i lehtë për t’u përdorur.
“Nëse keni luajtur një videolojë, mund ta përdorni,” tha ai.
Javelin, i prodhuar nga prodhuesit amerikanë të armëve Raytheon dhe Lockheed Martin, kushton 178,000 dollarë, duke përfshirë një sistem lëshimi dhe një raketë, sipas buxhetit të Pentagonit për vitin 2021.
Çdo raketë zëvendësuese kushton rreth 78,000 dollarë. /tesheshi.com/
