Nga Blendi Gashi
Marrëveshja për Demarkacionin me Malin e Zi do të dërgohet këtë javë nga qeveria për ratifikim në Parlamentin e Kosovës.
Informacioni është konfirmuar nga Sokol Havolli, këshilltar i kryeministrit Isa Mustafa.
Seanca për ratifikimin e Demarkaconit sipas të gjitha gjasave do të mbahet ditën e enjte përkundër kërkesave të njëpasnjëshme të partive opozitare Vetëvendosje, AAK e NISMA që të mos dërgohet marrëveshje për shenjëzimin e kufirit me Malin e Zi për ratifikimin në kuvend.
AAK e NISMA: qeveria po dëshiron ensione të reja
Ndërkohë, dy subjektet politike opozitare, AAK e Ramush Harainajt dhe NISMA për Kosovën e Fatmir Limajt kanë konfirmuar pjesmmarrjen e tyre në seancën plenare kur pritet të jetë për diskutim çështja e Demarkacionit.
Partitë opozitare paralajmërojnë qeverinë “Mustafa” se me insistimin e tyre për të ratifikuar marrëveshjen në fjalë me vetëdije të plotë po dëshirojnë t’i falin tokë një shteti tjetër, për çka opozitarët thonë se nuk do të lejojnë një gjë të tillë dhe do të kundërshtojnë fuqishëm në të gjitha mënyrat, si me protesta brenda dhe jashtë parlamentit.
Nënkryetari i AAK-së, Ahmet Isufi, ka një mesazh për kryeministrin Isa Mustafa. Ai thotë se qeveria duhet ta mendoj mirë dhe të mos e kthej në parlament marrëveshjën për Demarkacionin pa e rikthyer edhe një herë në pikën zeri.
Isufi paralajmëron se nëse tentohet me dhunë të kalojë kjo marrëveshje do të krijohen tensione të reja në vend.
“Nuk do të lejojmë të falet territori. Do të reagojmë në parlament. Për temën e Demarkacionit dhe Asociacionit do të jemi në kuvend dhe nuk do të lejojmë t’i falet tokë askujt nga askush”, ka thënë Isufi për tesheshi.com.
Edhe partia e Fatmir Limajt, NISMA për Kosovën ka konfirmuar për portalin tesheshi.com se do të rikthehet në parlament nëse këtë javë vije për ratifikimin marrëveshja e Demarkacionit.
Deputeti i kësaj partie Enver Hoti i bën apel të gjithë deputetëve të mos e votojnë marrëveshjen në fjalë dhe të mos i falin tokë Malit të Zi me votën e tyre.
“Do të rikthehemi në kuvend nëse vendoset që këtë javë si pikë e rendit të ditës të jetë edhe marrëveshja për Demarkacionin. NISMA do të rikthehet në kuvend për ta kundërshtuar fuqishëm ratifikimin e kësaj marrëveshja, pra si brenda kuvendit por edhe jashtë. Deputetët duhet të mos e votojnë marrëveshjen në fjalë në të kundërtën do të krijohen tensione të reja”, ka thënë Hoti, për tesheshi.com.
VV: qeveria të mos provokoj
Edhe Lëvizja Vetëvendosje përmes drejtuesve të saj disa herë ka paralajmëruar kundërshtim të fuqishëm të ratifikimit të Demarkacionit.
Deputetja e VV-së, Donika Kadaj-Bujupi ditë më parë ka kërkuar nga qeveria që mos të provokoj duke e sjell para deputetëve të kuvendit ratifikimin e marrëveshjes për Demarkacionin pa e shqyrtuar.
Ajo ka theksuar se tashmë opozita ka dëshmuar në disa raste që kjo marrëveshje është e gabuar dhe nuk duhet kaluar, duke paralajmëruar trazira të reja në kuvend.
“Ne kërkojmë nga qeveria që mos të provokoj duke e sjell demarkacionin pa e shqyrtuar, është dëshmuar tashmë pothuajse me të gjitha provat e paraqitura tash e rreth nëntë muaj që shënimi i kësaj vije kufitare është i gabuar. Prandaj çfarëdo përpjekje për ta legjitimuar janë humbje të tillë, ne me të gjitha forcat dhe me veprimet tona do të jemi kundër në mënyrë që ta parandalojmë. Nëse do të vjen të hënën në Kuvend do të ketë trazira të reja dhe probleme”, ka thënë Kadaj-Bujupi.
Edhe ish-anëtari i komisionit qeveritar për përcaktimin e kufirit me Malin e Zi, Ali Lajçi, i ka bërë thirrje koalicionit qeverisës që marrëveshjen e demarkacionit me Malin e Zi, mos ta procedojë në Kuvendin e Kosovës pa arritur konsensus të gjerë.
Lajçi në një intervistë për mediat kosovare ka vlerësuar se për këtë çështje duhet të hapet debat, derisa ka ftuar deputetët ta kundërshtojnë versionin aktual të kufirit me Malin e Zi, në të kundërtën sipas tij do të destabilizohet situata në vend.
Ndryshe, siç duket vizita e zyrtares amerikane Viktoria Nuland e cila qëndroi të dielën në Prishtinë ku takoi krerët e shtetit po del të jetë përcaktuese për ratifikimin e Demarkacionit me Malin e Zi pasi SHBA vlerëson se marrëveshja në fjalë është në rregull. /tesheshi.com/
