Kryeministri Haradinaj dhe kryekuvendari Veseli, gjatë homazheve bërë te përmendorja kushtuar personave të zhdukur, janë zotuar se Serbia nuk mund t’i shanget llogarisë.
“Java e të pagjeturve na rëndon dhe na sjellë vuajtje e dhembje për mijëra qytetarët, fati i të cilëve ende nuk është zbardhur nëntëmbëdhjetë vjet pas lufte. Institucionet e Kosovës nuk do të rreshtin së kërkuari të pagjeturit dhe drejtësi për viktimat e luftës. Plagët e konfliktit të fundit nuk mund të mbyllën dhe nuk mund të ketë paqe të qëndrueshme pa ndriçimin e plotë të të vërtetës së luftës në Kosovë. Kosovës i mungojnë njerëzit e saj, për të cilët shteti serb duhet të përgjigjet dhe të jap llogari”, shkruan Haradinaj në Facebook.
Kurse kryeparlamentari Veseli u zotua se asnjëherë nuk do të ndalen së kërkuari drejtësi për ta.
“Ne nuk do ndalemi së kërkuari drejtësi dhe të vërtetën për qytetarët tanë të pagjetur. Serbia kurrë nuk do të mund t’i shmanget llogarisë për këtë”, shkruan Veseli në Facebook.
Kujtojmë se “Java e të pagjeturve” fillon nga 23 prill dhe mbaron me date 27 kur edhe shënohet dita e të pagjeturve.
Gjatë këtyre ditëve do të janë disa aktivitete në kujtim të të pagjeturve, për të cilët akoma nuk është bërë diçka konkrete këtë vit.
Në vitet e kaluara ndërkaq janë zhvilluar shumë gjurmime në kërkim të varrezave masive, por që kanë rezultuar me pak trupa. Më herët ishin gjetur disa mbetje në rajonin e Serbisë, mirëpo akoma nuk është vërtetuar nëse i takojnë luftës së fundit. /tesheshi.com/
