Vizioni i mbrashtë, gati kriminal i Presidentit të SHBA Donald Trump për Rripin e Gazës të pastruar nga banorët palestinezë dhe të shndërruar në një vendpushim ndërkombëtar të kontrolluar nga SHBA, ka ringjallur një ide të paraqitur një vit më parë nga dhëndri i tij Jared Kushner.
Ideja, të cilën Trump e paraqiti në një konferencë shtypi të martën, ka shkaktuar reagim të gjerë si nga palestinezët ashtu edhe nga kritikët perëndimorë, të cilët thonë se kjo do të përbënte spastrim etnik dhe do të ishte e paligjshme sipas ligjit ndërkombëtar.
Dhëndri i Presidentit të zgjedhur Donald Trump, Jared Kushner, shihet si kyç për përpjekjet e administratës së re në Lindjen e Mesme, megjithëse ai nuk ka gjasa të marrë një punë formale në të.
Disa ish-diplomatë dhe kritikë të administratës Trump theksojnë se Kushner ka interesa të rëndësishme financiare në rajon, por shumë diplomatë rajonalë e njohin vlerën e marrëdhënieve të thella që ai ka krijuar.
Ish-këshilltari i lartë i Shtëpisë së Bardhë, Jared Kushner, dyshohet se qëndron pas planit të publikuar të vjehrrit të tij, presidentit të SHBA-së, Donald Trump, që SHBA të marrë Gazën dhe ta pastrojë atë nga palestinezët.
Fondacioni i familjes i kryesuar nga Jared Kushner bën donacione të rregullta për Miqtë e Forcave të Mbrojtjes të Izraelit. FIDF ka selinë në Nju Jork dhe ofron shërbime mbështetëse për ushtarët në Forcat e Mbrojtjes të Izraelit (IDF).
Kushner ishte i përfshirë në hartimin e komenteve të përgatitura të Trump që ai dha së bashku me kryeministrin Benjamin Netanyahu në Shtëpinë e Bardhë, raportoi Puck Neës, duke cituar një burim anonim të njohur me këtë çështje.
Netanyahu nuk i kërkoi Trumpit që të ekzekutonte një plan të tillë paraprakisht, shton Puck.
Kushner dukej se la të kuptohet për të gjithë idenë në një fjalim që mbajti vitin e kaluar.
“Prona bregdetare në Gaza mund të jetë shumë e vlefshme nëse njerëzit përqendrohen në ndërtimin e mjeteve të jetesës,” tha Kushner gjatë një event në Harvard.
“Është pak si një situatë fatkeqe atje, por unë mendoj se nga perspektiva izraelite do të bëja më të mirën për t’i larguar njerëzit dhe pastaj për ta pastruar atë,” shtoi Kushner. “Por unë nuk mendoj se Izraeli ka deklaruar se nuk dëshiron që njerëzit të kthehen atje më pas.” /tesheshi.com/
