Japonia shtang Kolumbinë, bëhet i pari ekip aziatik që i mposht amerikanolatinët në botërore

Nuk kishte ndodhur më herët në historinë e botërorëve që një përfaqësuese aziatike të fitonte ndaj një kombëtareje të Amerikës Latine, çfarëdo qoftë ajo.

E ka bërë këtë sot Japonia, e cila ka mundur 2-1 Kolumbinë, në të parën sfidë të luajtur të grupit H në këtë Kupë të Botës.

Me dhjetë lojtarë që nga minuta e tretë, për shkak të një kartoni të kuq për Carlos Sanchez-in, kolumbianët patën një ndeshje vërtet në malore.

Kagawa realizoi nga pika e 11-metërshit në të 6-tën minutë, ndërsa barazimi do të vinte drejt mbarimit të pjesës së parë. Quintero do të vinte barazpeshën e përkohshme për Kolumbinë.

Fitorja e Japonisë do të vendosej në minutën e 73-të, me golin e Osako-s.

Kolumbia ndjek kështu shembullin e skuadrave të tjera amerikanolatine, aspak në shkëlqim në këtë botëror, më së paku në ndeshjet e para. Përjashtim bën disi Uruguaji, me një fitore të ngushtë, të çasteve të fundit, ndaj Egjiptit. /tesheshi.com/