Golfi nuk është një sport që njerëzit do ta lidhnin me Japoninë, në një reflektim të parë. Mirëpo, ky sport ka pasur lulëzimin e vet në Japoni gjatë viteve ’80, por më pas njerëzit e humbën interesin për të. Gjithsesi, ata lanë pas fusha të tëra golfi ku tashmë nuk luan askush.
Kështu që autoritetet nuk dinin se çfarë të bënin me tokën e zënë nga këto fusha masive golfi, të braktisura prej kohësh nga lojtarët.
Por, planet ekzistojnë. Prodhuesi i pajisjeve elektronike, ka në projekt një plan për të shndërruar këto toka që po shkojnë dëm, pa shpenzime të mëdha në burime të energjisë diellore.
Kompania është shumë e vendosur të realizojë planin e saj ambjentalist. Fillimisht, Kyocera do të bëjë të mundur shndërrimin e një fushe golfi në një fushë energjie diellore 23 megavat në prefekturën e Kiotos. Kur ky projekt të përfundojë në vitin 2017, prej saj do të përfitohet energji e mjaftueshme për të furnizuar afërsisht 8100 shtëpi.
Por, kompania nuk mjaftohet me kaq. Ajo dëshiron që të krijojë një uzinë energjie diellore prej 92 megavatësh në një fushë golfi që nuk përdoret edhe në prefekturën Kagoshima. Nëse projekti merr “ok” e autoriteteve, do të prodhojë energji për 30 mijë shtëpi.
Japonia është e varur nga energjia bërthamore, por popullsia ka marrë frikë prej saj që prej katastrofës në Fukushima në vitin 2011. Kthimi në energjinë diellore mund t’i japë vendit një burim të ri energjie alternative, që për më tepër është edhe miqësore me mjedisin. /tesheshi/
