Irani nuk ka për qëllim të krijoj apo përdorë armë nukleare, i tha lideri suprem i vendit Ayatollah Ali Khamenei kryeministri japonez Shinzo Abe gjatë pritjes që ia bëri në Teheran.
Ai gjithashtu i tha se “nuk ka asnjë mesazh për t’ia përcjellë të parit të SHBA-ve, Donald Trump”.
Angazhimet e Khameneit për të ndërprerë ambiciet bërthamore vijnë pas tensionimit të marrëdhënieve të tyre me SHBA-të, e që rifilluan vitin e kaluar kur Uashingtoni braktisi marrëveshjen ku Irani do të ndalte prodhimin bërthamor në këmbim të largimit të sanksioneve ndërkombëtare.
Këtë angazhim nuk e la pa përmendur edhe Shinzo Abe, i cili tha se angazhimin që po e bën Irani, nuk do ta bënte asnjë vend tjetër.
“Sot, kam takuar Udhëheqësin Suprem Khamenei dhe e kam dëgjuar teksa flet për besimin e tij në paqe. Unë e konsideroj këtë si një përparim të madh drejt paqes dhe stabilitetit të këtij rajoni “, tha Abe, kryeministri i parë japonez që zhvillon bisedime me Khamenein.
Abe po e viziton Iranin për të ndihmuar në lehtësimin e tensioneve në rritje midis tyre dhe Shteteve të Bashkuara. Japonia është në një pozicion unik për të vepruar si ndërmjetës, pasi aleati i SHBA-ve ka mbajtur për shumë kohë lidhje të ngushta me Iranin. /tesheshi.com/
