Perandori japonez Naruhito u fronëzua perandor në një ceremoni të mbajtur në Pallatin Imperial, aty ku mes shumë të ftuarve ishte dhe presidenti Meta.
Ceremonia e vendosjes së Naruhitos si perandori i 126-të në monarkinë më të vjetër trashëgimore në botë shënon kulminacionin e ritualit të dorëzimit të fronit që kur babai i tij Akihito abdikoi në maj.
Rreth 2,000 të ftuar, përfshirë shtetarë të huaj, ishin të ftuar në fronëzimin e një perandori të ri japonez, raporton AP.
Perandori Naruhito dhe gruaja e tij, Masako, një ish-diplomate e arsimuar në Harvard, vizituan tre faltore në pallat për të bërë homazhe ndaj perëndive Shinto.
Për nder të kurorëzimit të perandorit, qeveria japoneze ka deklaruar amnisti për rreth 550,000 persona që janë dënuar për vepra të vogla siç janë veprat e trafikut.
Në këtë ceremoni, Naruhito u zotua të ushtrojë detyrën e tij kushtetuese si një simbol të shtetit dhe të mbetet pranë njerëzve.
“Betohem se do të veproj në përputhje me Kushtetutën dhe të përmbush përgjegjësinë time si një simbol i shtetit dhe unitetit të popullit të Japonisë, duke u lutur gjithmonë për lumturinë e njerëzve dhe paqen në botë, dhe se do të qëndroj gjithmonë me njerëzit”, tha Naruhito ndërsa qëndroi brenda fronit perandorak.
Ai ishte i veshur me një mantel festiv kafe-portokalli.
Froni, i quajtur “Takamikura”, është një strukturë dekorative e gjatë 6,5 metra.
Ceremonia e kurorëzimit kulmon pasi disa ceremonive që filluan në maj kur Naruhito trashëgoi fronin e lënë nga Akihito, babai i tij. Naruhito është perandori 126 i monarkisë më të vjetër trashëgimore në botë, për të cilën historianët thonë se datojnë 1.500 vjet.
Ceremonia gjithashtu shërben për të fituar mbështetjen e publikut për monarkinë dhe ruajtjen e trashëgimisë kulturore të Japonisë.
Përkundër kohës, përgatitjeve të mëdha dhe shpenzimeve, ceremonia zgjati vetëm rreth 30 minuta, raporton AP.
Froni i krizantemës si një shprehje për fronin e perandorit japonez u emërua sipas luleve të krizantemës në stemën japoneze. /tesheshi.com/
