Japonia përkujtoi viktimat e katastrofës së 11 marsit të vitit 2011, kur një cunam shkaktoi vdekjen e rreth 18 000 njerëzve.
Gjatë një ceremonie në Teatrin Kombëtar të Tokios, ku morën pjesë perandori Akihito së bashku me kryeministrin Shinzo Abe, u mbajt një minutë heshtje për viktimat, pikërisht në çastin kur pesë vjet më parë ra tërmeti me magnitudë 9,1 ballë Rihter, e që për pasojë shkaktoi cunamin e frikshëm.
“Është e rëndësishme që ne të përpiqemi për ta kthyer në normalitet jetën e çdokujt që është prekur nga kjo fatkeqësi”, tha perandori Akihito, duke ende theksuar se ende shumë persona jetojnë në vështirësi.
Pas tragjedisë së bombës atomike në Hiroshima e Nagasaki, Japonia përkujton tashmë edhe tragjedinë e cunamit të 2011-ës. /tesheshi.com/
