Tre të dënuar me vdekje u ekzekutuan në Japoni të martën, tha Ministria e Drejtësisë, në ekzekutimin e parë që nga dhjetori 2019 dhe i pari nën kryeministrin Fumi Kishida.
Yasutaka Fujishiro, 65 vjeç, i cili vrau shtatë nga kushërinjtë e tij në vitin 2004, dhe Tomoaki Takanezawa, 54 vjeç e Mitsunori Onogawa, 44 vjeç, u dënuan për vrasjen e dy punonjësve në dy sallone të veçanta në vitin 2003, njoftoi agjencia japoneze e lajmeve Kyodo.
Pas ekzekutimit të së martës, numri i të burgosurve të dënuar me vdekje në Japoni është 107.
Zëvendës sekretari i kabinetit Seiji Kihara u tha gazetarëve se “nuk është e përshtatshme të shfuqizohet (sistemi i dënimit me vdekje në vend) duke pasur parasysh situatën aktuale në të cilën vazhdojnë të ndodhin krime të tmerrshme.”
“Shumë japonezë mendojnë se dënimi me vdekje është i pashmangshëm në rastin e krimeve jashtëzakonisht keqdashëse,” tha Kihara.
Më shumë se dy të tretat e vendeve të botës e kanë hequr dënimin me vdekje në ligj ose praktikë, sipas Amnesty International. /tesheshi.com/
