Policia japoneze njoftoi rastin e vdekjes së një 33-vjeçareje, e mbyllur në një dhomë 3 metroshe prej 15 vitesh nga prindërit e saj, dhe e ushqyer vetëm njëherë në ditë.
Trupi i Airi Kakimoto, siç njoftojnë mediat vendase, u gjet në një gjendje të kequshqyerjes ekstreme pasi prindërit e saj njoftuan vdekjen të shtunën. Ajo ishte 145 cm e lartë dhe peshonte vetëm 19 kg. Prindërit e justifikuan veprimin e tyre, atë të burgosjes së vajzës dhe trajtimit me një vakt në ditë, me faktin se ajo ishte e sëmurë mendore dhe se për këtë shkak ishte bërë dhe e dhunshme. Dhe kjo kishte ndodhur që para 15 vjetësh.
“Vajza jonë ishte e sëmurë mendërisht dhe prej moshës 16 ose 17 vjeçe ajo u bë e dhunshme, kështu që vendosëm ta izolojmnë brenda një dhome”, thanë prindërit e saj cituar nga policia.
Në Japoni, shumë familje që kanë në gjirin e tyre njerëz me problem mendore, vuajnë stigmën e turpit. /tesheshi.com/
