Kompania hekurudhore japoneze u ka kërkuar falje udhëtarëve, kur një nga trenat e kësaj kompanie u nis 20 sekonda para kohës së përcaktuar të nisjes.
Siç raporton Strait Times, kompania japoneze tha se Tsukuba Express, treni i cili përshkoi linjën Tokio-Tsukuba, më 14 nëntor nga stacioni Minami Nagareyama, është dashur të niset në orën 9.44, ndërkohë që është nisur 20 sekonda më herët.
Është vërtetuar se gabimi ka ardhur për shkak se punonjësit nuk i kanë kushtuar vëmendje radhës së nisjes.
Kompania ka kërkuar falje edhe pse asnjëri prej udhëtarëve nuk u ankua.
Japonia ka trafikun hekurudhor më të sigurt në botë dhe shumë rrallë ndodh që të ketë vonesë ose nisje të parakohshme të trenave, qoftë dhe me sekonda, si në këtë rast. /tesheshi.com/
