Kryeministri japonez Shinzo Abe dhe Presidenti Trump kanë rënë dakord për bashkëpunimin e ngushtë midis dy vendeve në gjetjen e një vaksine dhe ilaçet kundër Covid-19, si dhe në përpjekjet për të rritur ekonominë.
Të dy udhëheqësit folën përmes telefonit në një situatë kur ata po përpiqen të rifillojnë aktivitetet e biznesit në vendet e tyre.
Sekretari i Përgjithshëm japonez Yoshihide Suga u tha gazetarëve se udhëheqësit shkëmbyen mendime mbi situatën në lidhje me Covida-19, masat për të parandaluar përhapjen e mëtejshme të virusit, gjetjen e ilaçeve dhe vaksinave, si dhe në hapat për të rihapur ekonomitë e Japonisë dhe Shteteve të Bashkuara.
“Eshtë me rëndësi të madhe që Japonia dhe Shtetet e Bashkuara të bashkëpunojnë, gj për të cilën u ra dakord gjatë bisedimeve midis dy liderëve”, tha Suga.
Ministria japoneze e Shëndetësisë, në një proces të rrallë e të përshpejtuar, miratoi të enjten ilaçin antiviral Remdesivir të Gilead Sciences Inc. për trajtimin e pacientëve me Covid-19. Miratimi u dha nën një procedurë të përshpejtuar të veçantë vetëm katër ditë pasi kompania paraqiti kërkesën.
Një gjendje e jashtëzakonshme është ende në fuqi në Japoni, e cila u zgjat këtë javë deri në fund të majit, por nuk janë zbatuar masa të rrepta kufizuese. /tesheshi.com/
