Një numër kompanish japoneze kanë filluar të përdorin inteligjencën artificiale (AI) për të adresuar mungesat e fuqisë punëtore, duke përfshirë firmën e IT Fujica dhe shitësin e pjesëve të automjeteve Autobacs.
Në gusht, të dy kompanitë filluan provat e përbashkëta të inteligjencës artificiale duke përdorur një asistente “Rachel” që mund të rekomandojë produkte bazuar në llojin e shërbimit që i nevojitet një klienti, modelin e makinës dhe inventarin e disponueshëm, raporton shkrimi i agjencisë Kyodo.
“Njerëzit janë ende të nevojshëm për të zëvendësuar pjesët, por inteligjenca artificiale ndihmon duke rekomanduar produkte,” tha një zyrtar i degës Fujicua.
Gjithnjë e më shumë përdorues të AI
Kompania japoneze e IT-së Oki Electric Industry dhe Kyushu Railway Company gjithashtu kanë filluar të përdorin ndihmën e AI që flet tre gjuhë – japoneze, anglisht dhe kinezisht për të ndihmuar pasagjerët gjatë udhëtimit.
Në të njëjtën kohë, startup-i me bazë në Tokio Sapeet krijoi inteligjencën artificiale për të trajnuar stafin e shërbimit ndaj klientit dhe ai projekt u zbatua në një dyqan bizhuterish në korrik. /tesheshi.com/
