Fushata zgjedhore në Japoni vazhdon të shtunën, një ditë para votimit për dhomën e lartë të parlamentit dhe një ditë pas vrasjes së ish-kryeministrit Shinzo Abe.
Abe, lideri modern më jetëgjatë i Japonisë, u qëllua për vdekje nga një burrë 41-vjeçar të premten në mëngjes, teksa mbante një fjalim fushate në qytetin Nara.
Ai akt u dënua nga pushteti politik si dhunë politike dhe sulm ndaj vetë demokracisë.
Politikanët janë zotuar se do të vazhdojnë fushatën përpara zgjedhjeve të së dielës, të cilat pritet të fitojë koalicioni qeverisës i Japonisë.
Vdekja e Abe ka ngritur pikëpyetje në lidhje me masat e sigurisë për figurat publike në Japoni, ku politikanët zakonisht bëjnë fushatë për t’u bërë thirrje të drejtpërdrejta votuesve jashtë stacioneve të trenit dhe supermarketeve.
Shumë parti kanë njoftuar se zyrtarët do të përmbahen nga të folurit, por se fushata do të vazhdojë të tregojë vendosmëri për të mos iu përkulur dhunës. /tesheshi.com/
