Lajmi se një kompani japoneze transporti hekurudhor kërkoi ndjesë, pasi një tren i saj u nis vetëm 20 sekonda më herët nga orari bëri xhiron e portaleve rasti i një kompanie japoneze.
Sipas kompanisë gabimi ka ndodhur sepse ekipi nuk e ka parë me vëmendje tabelën e orarit të nisjeve, e kështu, një prej trenave të saj u nis 20 sekonda më herët.
Menaxheri i linjës “Tsukuba Express” për linjën Tokio-Tsukuba është shprehur se kërkon sinqerisht të falur për shqetësimin e krijuar. Përmes një deklarate, kompania në fjalë tha se treni duhej të nisej në orën 9:44:40, por gabimisht u nis 9:44:20.
Por cilat janë vendet më “korrekte” dhe cilët jo?
Në Japoni, gjithçka në kohën e vet!
Në Japoni njerëzit janë shumë të përpiktë deri edhe tek minuta. Nëse u thua të të telefonojnë pas orës nëntë, ata me siguri do t’ju telefonojnë në nëntë e një minutë. Do t’ju vinte turp nëse do të ishit aty me 10 minuta vonesë në një takim.
Gjermanët, 10 minuta më herët!
Falë edhe të shkuarës industriale, por edhe karakteristikave të gjermanëve në tërësi, nëse ke lënë një takim në Gjermani apo me një gjerman në orën 08.00, bën mirë të shkosh aty që në 07.50, pra 10 minuta më herët.
Malajzia, 5 minuta = 60 minuta
Në Malajzi, nëse dikush të thotë që do vonohet për 5 minuta, do të thotë që do vonohet me 1 orë. Dhe kur vonohesh në Malajzi, kjo gjë është e pranueshme dhe nuk ke pse të shpjegohesh apo të justifikohesh për vonesën.
Nuk e kanë shumë problem korrektesën për një takim social, apo zyrtar qoftë edhe shtete si: Rusia, Maroku, India, Greqia, Gana…/tesheshi.com/
