Një takimet e para diplomatike pas marrjes së shtetësisë shqiptare nga ana e Kryepeshkopit të Kishës Ortodokse, Anastas Janullatos, ka qenë me ambasadorin rus në Tiranë, Aleksandër Karpushin.
Ambasada Ruse në Shqipëri ka postuar në Facebook një status për këtë takim ku shkruan “Ambasadori Karpushin u prit dje në një takim nga Primati i Kishës Ortodokse Autoqefale të Shqipërisë, Kryepeshkopi i Tiranës, Durrësit dhe gjithë Shqipërisë Anastas Janullatos.
Bashkëbiseduesit e vlerësuan lart nivelin aktual të bashkëpunimit midis kishave ortodokse të dy vendeve, i cili është një faktor i rëndësishëm për avancimin e marrëdhënieve ruso-shqiptare në fusha të ndryshme. U diskutua gjithashtu mbi perspektivat e zhvillimit të shkëmbimeve në sferën kulturore, humanitare dhe shpirtërore”. /tesheshi.com/
