Qeveria “Rama” i ka konsideruar si emocionale deklarimet e kreut të Dhomës amerikane në Tregëtisë, Mark Crawford, sipas së cilit në Shqipëri është krijuar një barrë e rëndë fiskale.
Ka qenë ministri i Financave, Arben Ahmetaj ai i cili ka reaguar ndaj tij duke mbrojtur njëherësh venien e taksës së sheshtë në vend të asaj progresive.
“Taksa e sheshtë që kërkon Marku rriti varfërinë. Në 2008-2013 Shqipëria pati taksën e sheshtë. Varfëria u rrit, pabarazia u rrit, rritja ekonomike ra nga 6.5 në 1 për qind. Në 2013-2017 me taksën progresive varfëria është ulur dhe rritja ekonomike po shkon 4 për qind”, tha Ahmetaj në një prononcim për TCH.
Ahmetaj mohoi që kishte taksa apo tarifa të reja dhe tha se politika fiskale thjesht ka tentuar rishpërndarje më të drejtë të barrës.
“Ne hoqëm taksën për biznesin e vogël, morëm përsipër tarifën e skanimit për fasonet, ulëm tvsh në 6 për qind për turizmin”, theksoi ministri i Financave. /tesheshi.com/
